Frå læreplanen:
«Eleven skal kunne lage, løyse og forklare likningssett knytte til praktiske situasjonar»
Modellering og anvending
Eit av kjerneelmenta i matematikk på skulen er modellering og anvendingar. Dette gjeld óg i arbeidet med likningar med ukjente, som x og y. Tenker du no at du ikkje orker å lese meir, og at dette var for “tungt”? Tenker du at x og y ikkje bør vere ein del av matematikken? Ikkje stopp å les, men bli heller med inn i matematikktimen til 10.klasse. Dei øver på korleis dei kan bruke matematikk til å beskrive praktiske problem. Altså lage modellar, og anvende dei.
Kva ville du gjort?
Vi vart inspirert av barneskulen sin bruk av stasjonar i undervisninga og lagde våre eigne.
Slik kan til dømes eit likningssett med fire ukjente sjå ut. Klarer du å finne svaret? Benjamin og Madelen fekk det til!
Det viser seg at leiker kan brukast til å lage likningar. Dermed fekk vi også øvd på omsetje mellom matematiske representasjonar og daglegspråket. Klarer du å sette opp eit likningsett av legklossar?
Problemløysing i matematikk handlar om at elevane utviklar ein metode for å løyse eit problem.
På denne stasjonen fann vi ut at metoden må vere å kjøpe is for å sjå om teori og praksis stemmer.
El lita nøtt til slutt
Kor mange poeng gir ein gul stav?
Skrive av: Rannveig Noraberg